زى اى شاب ( هنتغير بجد )

الحاجه · رقم المشاركة : 1 (**permalink**)


	الحمد لله والصلاة والسلام على الحبيب المصطفى ثم اما بعد؛ ياريت كلنا زى مااتجمعنا فى احلى منتدى نتجمع كلناافى الجنه يارب ,,,,,, الموت ياتى بغته مش ضامنين عمرنا!! حملـــــة هنتغير بجــد هدفها من اسمها هنتغير بجد سياستها تحبيب الشباب فى الاسلام شعارها هندخل الجنة سوا ستتكون الحملة من حلقات كتير وكل حلقة لها اسم وكل اسم بتدور حوله الحلقه وكل حلقة عباره عن حوار بين اتنين +الاول وهو اللى هيغيرنا بجد =والتانى وهو الشاب او الفتاه يعنى انا وانت وياريت نطبق الكلام ده بجد علشان نتغير بجد ونفرح نبينا وندخل الجنة سوا ومهما تكون ذنوبك ومعاصيك معانا كلنا هنقرب اوى من ربنا بس خليك معانا يلا بينا تابعوناااااااااا موضوع متجدد بأذن الله

الموضوع الأصلي : زى اى شاب ( هنتغير بجد ) -||- المصدر : منتديات بنات الإسلام الدعوية -||- الكاتب : الحاجه

الحاجه · رقم المشاركة : 2 (**permalink**)

الحلقة الاولى

(المقدمة)
+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
____________
=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته

الى اللقاء فى الحلقة التانيه
مع
حملة
(هنتغير بجد)

اسماء عبد الواحد · رقم المشاركة : 3 (**permalink**)

رائع اختي الحاجه موضوع متميز جزاااك الله خيرااا
وان شاء الله زي ما اتجمعنا في الدنيا علي حبه نتجمع في الاخره في الجنه باذن الله ...
متابعه ان شاء الله الحلقات
جعله الله في ميزان حسانتك

فتيحة · رقم المشاركة : 4 (**permalink**)

بسم الله الرحمن الرحيم السلام عليكم ورحمة الله وبركاته جزاك الله كل خير اختي الحاجة ولك من اجمل تحية

آسيا · رقم المشاركة : 5 (**permalink**)

متابعة ان شاء الله
جزاك الله خيرا اختي الحاجة

الحاجه · رقم المشاركة : 6 (**permalink**)


	السلام عليكم ورحمة الله وبركاته الحلــــــقة الثــانــــــية (امسح كل ذنوبك) +ايه الاخبار =ده انت عملت امبارح فيا حتة مقلب قعدت تحمسنى وفى الاخر علقتنى ومشيت +عارف وكان قصدى =ايه!! =طيب ليه كده؟ +لان لو اخدت كل حاجة مرة واحدة هتتحمس شويه وبعديها بساعة ولا كأن فى اى حاجه =كلامك مظبوط +وخلى بالك كل حلقة هيكون نفس النظام =بس على الله يجى بفايده +قلتلك امبارح ثق فى الله وما تحملش هم =ماشى..مش ندخل فى الموضوع بقى +ماشى..يلا 3..2..1.. +السلام عليكم ورحمة الله =وعليكم السلام ورحمة الله +ايه الاخبار =تمام..الحمد لله +طبعا زى ماانت عارف ان حلقتنا النهاردة عن ازاى نمسح كل ذنوبنا +فى البدايه لو قلتلك ممكن تعد ذنوبك اللى عملتها من يوم ما اتولدت =ايه ..ark: =انت بتكلمنى انا.. +طب بلاش .. ممكن تعد ذنوبك اللى عملتها طول الاسبوع ده =يا عم انا ماشى ... انت جاى تفكرنى باللى فات +استنى انا قصدى ان انت ماتعرفش تعد الذنوب اللى عملتها النهاردة اساسا +ومحدش يقدر يعدها الا الله =صح +اذن ماحدش يقدر يمسحها الا الله =ونعم بالله +ولكن ازاى نخلى ربنا يغفر (يمسح) لنا كل ذنوبنا =ازاى ..قول انت؟؟ +بصراحة مش انا اللى هقولك =امال مين ..؟ +اللى هيقولك هو اللى هيغفرلك كل ذنوبك..حيث قال عز وجل (فقلت استغفرو ربكم انه كان غفارا) =صدق الله العظيم =يعنى ربنا ممكن يغفر لى ذنوبى كلها +انت مش مصدق ربنا ولا ايه ؟؟!! =انا مصدق والله ده حتى كلام ربنا بس انا مش متخيل يعنى ربنا هيسامحنى فى كل اللى عملته؟ +انا عارف انك فرحان اوى علشان كده اسمع الحديث القدسى الجميل ده (يابن ادم لو اتيتنى بتراب الارض خطايا ثم لقيتنى لا تشرك بى شيئا اتيتك بترابها مغفرة)... =طب ولو ذنوبى اكتر +ممكن ما تقاطعنيش تانى =انا اسف بس انا فرحان اووى +عارف بس اسمع للاخر =ماشى انا اسف +(يابن ادم لو بلغت ذنوبك عنان السماء ثم استغفرتنى غفرت لك ولا ابالى) +انت واخد بالك من حاجه =ايه ؟؟ +ان ربنا بيقول غفرت على طول يعنى ما فيش قبلها ثم ولا حتى فاغفر =طب ودى فيها ايه +فيها كتير +ان الله لو قال ثم قبل غفرت معنى كده ان فى فترة ما ما بين استغفارك لربنا و ان ربنا يغفرها لك ونفس الكلام فى لو كانت فاغفر مع ان اللغه بتقول ان الفاء تدل على سرعة التنفيذ ولكن خلى بالك ان حتى لو فى سرعة فى عمل شئ برضه هتاخد وقت حتى لو ثانية واحدة بس اخدت وقت ولكن ربك عظيم اووووووووى ان معنى ان ربك ما يقولش ولا (ثم )ولا(ف) معنى كده ان مفيش اى وقت ما بين نطقك للاستغفار وان ربنا يغفرها لك =ياه ..اد ايه ربنا كريييم اوى +والله ربك عظيم جدا ولكن احنا اللى مش واخدين بالنا +ولو تاخد بالك ان فى جميع ايات القران ربك بيقدم صفة الغفران عن اى شئ يعنى مثلا (ان الله غفورا رحيما) ربنا قدم صفة الغفران عن الرحمة لان استحاله ربنا يرحم شخص كثيرالذنوب وبالتالى ربنا هيغفرله ذنوبه وبعده ربنا يرحمه ولو افترضنا ان قلبك حتة قماشة بيضة وكل لما تعمل ذنب الذنب ده يعمل نقطة سوداء على القماشة اظن كده حتة القماشة بتاعة كل واحد اتحرقت مش اسودت =صح +وخلى بالك ان حبيبك النبى شبه القلب كأنه حتة حديده والذنوب كأنه الصدأ اللى على الحديده والاستغفار هو المنظف لهذا الصدأ طب ما تجى نلمع قلوبنا بقى = والله انا نفسى بس التلميع هيجهدنى اوى وهيتعبنى +اهم حاجه انت ازاى بتستغفر ربنا هل بتستغفر من فمك ولا من قلبك =طب ازاى استغفر من قلبى +بأنك وانت بتستغفر تكون واثق من ان ربنا هيغفرلك =ونعم بالله =طب ازاى استغفر ربنا ؟؟ +فى اذكار كتييير جدا يعنى مثلا (استغفر الله ) (استغفر الله العظيم واتوب اليه) (استغفرك اللهم واتوب اليك ) وفى اذكار كتييير ولكن لو تلاحظ ان النصف الاول لو مشيت على حلقة النهارده اتحقق وهو ان ربنا يغفرلك ولكن ازاى تتوب لربنا بجد وازاى تعرف ان ربنا تاب عليك =اه ..ازاى ؟؟ +ده للى هتعرفو فى الحلقة الجاية ولكن واجبك من النهاردة تكثر من الاستغفار علشان نتظف قلبك من اى قذارة واكيد القذارة على قلوبنا كتيير +وفى الحلقة التالتة هنتوب بجد لربنا =طب ما تقول اى حاجه +انا قلت بكرة ان شاء الرحمن +يلا..السلام عليكم =برده بتعلقنى.. =وعليكم السلام الى اللقاء فى الحلقة التالثة مع حملة (هنتغير بجد)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
اسلوب عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

مواقع كبار العلماء

الإهداءات

للمزيد من مواضيعي